Ek wil hê die aarde moet ophou draai
as ek saam met jou is
Ek wil hê daar moet ‘n skietstilstand
in elke oorlog-geteisterde land plaasvind
wanneer jy vir my kyk
Ek wil red bull drink en vlerkies kry
sodat ek die man in die maan kan gaan high-five
wanneer jy ongemaklik vroetel
voor jy my iets vra
Ek wil jou saamvat hemel toe
en voorstel aan my god
ek is seker dieselfde een het ons nie geskape nie
Ek wil so erg myself saam met jou wees
dat my vriende moet sê dat ek anders is
Ek wil jou styf vashou in my arms
dan moet jy vir my sê: “Nou is ek vry”
Sonson, hierdie, hierdie lewe soos bloed.
Ouding gaan net hier stop en net niks verder sê nie.
Ouding sou vir Benito, Hitler en Bismarck gaan haal om vir jou angeliere te bring; Ouding sou vir Piet die maan en die sterre langs jou laat oplyn; Ouding sou vir Lieze in die Pad kon vooruitstuur; Ouding sou vir jou kon sê eendag, eendag gaan iemand jou Boland toe neem; en Ouding sou kon fluister: mag jou beker van geluk oorloop.
Maar Ding gaan niks sê nie. Ding bly net dooodstil staan in sy eie vryheid.
So dikwels is die ek wil helemal anders as die ek. Ten minste is gebonde vryheid die enigste ware vryheid.